نسيت كلمة المرور ؟ - مستخدم جديد
|

الغبانة أو العمامة المكاوية أو العمة المكيه

السلام عليكم يا أحلى منتدى

حبايبي كل عام وأنت بخير ورمضان مبارك عليكم جميع

ندخل في الموضوع

جاتني فكرة أني ألبس الغبانة المكية في العيد لكن صادفتني مشكله أني ما أعرف كيف ألفها وأظبطها حاولت كذا مره بس ما رضيت تظبط معاي

فياريت لو أحد يورينا طريقة لفها وياريت تكون بالصور أو مقطع فيديو (شحات ويتشرط)

بس من جد وحشتني مكه ونفسي ألبس العمه في العيد و أحس أني في مكه

وعيدكم مبارك وعساكم من عواده

Share and Enjoy:
  • Print
  • Digg
  • StumbleUpon
  • del.icio.us
  • Facebook
  • Yahoo! Buzz
  • Twitter
  • Google Bookmarks

Tags: , , , , , ,

بدون ردود على “الغبانة أو العمامة المكاوية أو العمة المكيه”

  1. مدردره قال:

    [B][size=4][font=Simplified Arabic][color=#6D5423]

    [color=#144273]سيـدي / abughadi [/color]

    كل عام وأنت سالم وبخير :)

    وإن شاء الله ما يقصرو معاك الأخوان هنا ..

    اسمحلي بنقل الموضوع للقسم المتخصص .. ويا هلا بيك :)

    [/color][/font][/size][/B]

  2. abughadi قال:

    تفضلى أنقليه بكيفك أهم شي نلقى الجواب

  3. abughadi قال:

    صباح الفل

    يعني مانقلتي الموضوع. ولا في أحد حتى تفاعل مع الموضوع

    يعني ما في أحد يعرف كيف يربطها

  4. alfatta7 قال:

    السلام عليكم ورحمة الله وبركاته
    اخي abughadi
    كل عام وانت بخير ورمضان كريم
    انت جرب لفها مرة ومرتين و…. لحد ما تزبط معاك لان اللفه مالها طريقة معينة لكن ممكن صاحب المتجر اللي عنده العمامة الاصلية يقدر يفيدك اكثر.
    تقبل مروري

  5. الحنبوولي قال:

    أبو غدي لا تزعل بحاول أساعدك قدر الإمكان….

    شوف حبيبي الغبانة مالها لفة معينة….

    لكن جيبها وهيا مفرودة وطبقها زي الشماغ مثلث بالزبط….

    وبعدين تعال من راس المثلث ولفها وهي في الأرض الين الأخير…

    الين تصير زي العامود طويلة ومبرومة….

    بعدين عض بأسنانك على طرف الواحد وأبدا لفها وانت عاضض عليها …

    من على خدك اليمين ومن فوق اذنك ولفها مرة واتنين وحاول مرة من الجنب اليمين لراسك فوق وانزل على الجنب اليسار من تحت وبرضو من فوق اذنك زي ماتشوفهم واعكس الجنب اليمين تحت شوي واطلع للجنب اليسار…

    الين تخلص العمة وأحشر طرفها الأخيرمزبوط وشد عليه..

    والطرف اللي في فمك سيبو واسحبو عكس كأنك بتفك اللفة وجيبو من خلف راسك ويصير زي الذيل صغير نازل..

    أو أرفعوعلى فوق وأحشرو مزبوط وشد عليه….

    إن شاء الله أكون ساعدتك…

  6. مستر مروان قال:

    [size=4][font=simplified arabic]يا هلا والله وغلا

    وكل عام وأنت بخير يا سيد الناس

    والله يديم علينا الأعياد

    ويجعلنا من المقبولين في شهره الكريم

    شوف يا سيدي

    من غير معلم أنا أديك طريقة للفة العمامة

    طبعا هي لها عدة طرق

    أول شيء خد الغبانة وطبيقها الين تصير على قد اربعة أصابيع أو أقل حسب ما تحب إنتا

    وبعدين تعالى على راصك وحط طرفها وخليه يدلل مع ورى راصك

    معايا انتا يا أخويا والا لأ؟؟

    طيب كويس انك معايا أحسبك معاهم ( مين هما بس :249: )

    المهم

    وبعد ما تلف اللفة الأولى وتدلل طرف الغبانة على ورى

    أبدا باللف بالشكل العكسي

    لفة واتنين وتلاتة الين ما تخلص بعد حاول توزن لفتك لها عشان تكون من قدام كأنها

    شامخه

    فهمت عليا يا أخويا[/font][/size]

  7. أبو البتول قال:

    سلام عليكم ،،،
    اسمحولي اتدخل في الموضوع ..
    يا سيدي زي ما قالولك الجماعة لفة العمامة أو الغبانة لها عدة طرق .. طيب .. الحاصل يا سيدي تجيب العمامة زي ما شرحولك اللي قبلي وتلفها على قدر تقريبا اربعة اصابيع .. طيب .. وبعدين … ” ركز معايا هنا في دي النقطة عشان تزبط الربطة ” تمسك العمامة من المنتصف وبعدين تمسك الطرف الايمن من الاخير وتمده على قدر مدة يدك .. فهمت ولا اشرح زيادة .. يعني كأنك تبيع قماش وتبغى تحسب المتر .. فهمت ولا لا .. قصرة بعدين حتلقى طرف اكبر من طرف .. دحين قلي مين الطرف الاكبر ومن الطرف الاصغر ؟؟؟ هيا قوام قول ..!!

    طبعا الطرف الاصغر اليمين والطرف الاكبر الشمال .. طيب .. المهم تلف اليمين أول وتجيبها بعكفة شوية وبعدين تمسك نهاية الطرف بعد اللف بأسنانك ولا بدقنك ..
    وبعدين تكمل الطرف اليسار بعكفة عكس العكفة الاولى .. وبكدا يكون انت لبست الغبانة على الشكل المطلوب ..
    طبعا يكون في علمك ترى في فرق بين الغبانة والعمة في طريقة اللف لكن كل الطرق تؤدي الى روما …

    هادا يا سيدي اللي عندي واي خدمة وما يردك الا كمبيوترك …

    اللهم صل على سيدنا محمد الفاتح الخاتم وآله وسلم

  8. abughadi قال:

    أشكركم جميعاً والله يا أني أستفد منك وجربت لين حسيت إني أهبل لكن في الأخير ظبطت
    لكن المشكله لسه مش داخله مزاجي أحس أنها صغيرة
    وبعدين أشوف الناس يلبسوها تكون صغير من تحت وكبيرة من فوق
    بس راح أحاول

  9. السيدالشبيكه قال:

    [size=5]
    الغبانه لها عدة لففات

    اهل الشبيكه لهم لفه

    وكذلك الشاميه

    وبقية الحارات

    حتى اصحاب المهن

    كل واحد له لفه معينه ينعرف بها

    ولها اسماء ذيل الفراشه وغيره

    هذا للمعلومه

    وان شاء تزبط معاك اللفه

    وكل عام وانت بخير

    تحياااتي[/size]

  10. حفيدة الحسين قال:

    طيب ليه ماتشتري جاهزه سارت مربوطه على الكوفيه اسهل لك

  11. ســــــــامي قال:

    الف شكر على الموضوع الحلو

  12. mohammed1981 قال:

    صعب شرح الطريقه بالكتابه
    المهم يا ريت شبيبه مكه يرجعو يلبسو العمامه مو بس في الافراح و الاعياد, لكن في كل وقت , العمامه تراث اسلامي اصيل من ايام الرسول صلى الله عليه و سلم يا ريت نحافظ عليه

  13. المركّب مكركب قال:

    [font=Tahoma]ها بشرر يابووو غدي زبطت الغبانه ولا لسا [img]http://www.6rp.net/smiles/data/13/176.gif[/img][/font]

    [font=Tahoma]طيب خد عندك الطريقه دي في اللف .. نقلتها ليستفيد الجميع :-

    أولا طريقة مسك العمامة

    [img]http://www.inshad.com/forum/upload/userimages/44027/26052007(003).jpg[/img]

    ثم طريقة لفها على الرأس

    [img]http://www.inshad.com/forum/upload/userimages/44027/26052007(004).jpg[/img]

    ستصبح من الأمام هكذا

    [img]http://www.inshad.com/forum/upload/userimages/44027/M…11111.gif[/img]

    ثم يتم إقفالها هكذا

    [img]http://www.inshad.com/forum/upload/userimages/44027/26052007(010).jpg[/img]

    وتصبح من الخلف ذئابتان

    [img]http://www.inshad.com/forum/upload/userimages/44027/26052007(009).jpg[/img]

    وسلامتكم [/font]

  14. قاعة الشفا قال:

    بسم الله الرحمن الرحيم
    الحمد لله وبعد: أقول ( واسمحلي ياسيدي شبيكة أعقب على كلامك ) فأقول مستعينا بالله:
    العمامة عند أهل مكة تنقسم في طريقة لبسها الى ثلاثة أقسام :
    الأول : عمة السادة والعلماء : وانظروا الى صور علماء مكة الأجلاء ، وكذلك الى الصور الرسمي لسيدي السيد عباس مالكي تعرفوها ، وأما الطريقة التي أوردها المركب المكركب ( وأتمنى عليه تحسين هذا الاسم ، وان كان يقصد به المبالغة في الكرم ) هي الأقرب اليها وهي تختلف عنها، الا أن هذه الطريقة ( المصورة في تعقيب المركب المكركب )يتبعها علماء اليمن والله أعلم .
    الثاني : لفة أهل الخرقة : وهي التي أوردها السيد شبيكة باسم أهل الشامية .وتحضرني صورة العم حسين جستنيه المنشورة في كتاب التاريخ القويم للكردي مثالا لها.
    الثالث : لفة أهل الحارة وهي التي أوردها السيد شبيكة باسم أهل الشبيكة ، وانظروا الى صورة الشيخ سراج عياد في كتاب هكذا كانة تعرفوها ، وكذلك الصورة التي ينشرها دائما لنفسه الأديب عبد الله أبكر فهي نفسها.
    والله أعلم ، وصلى الله على خيرمن لبس العمامة ، وظللته الغمامة وسلم تسليما.

  15. المركّب مكركب قال:

    [font=tahoma][quote]وأما الطريقة التي أوردها المركب المكركب ( وأتمنى عليه تحسين هذا الاسم ، وان كان يقصد به المبالغة في الكرم )[/quote]

    اي اسم اللي تقصد اتمنى تحسينه ؟؟

    اذا تقصد ( المركب مكركب ) فالمعروف عند اهل مكه انه المركب

    يعني المطبخ .. ومكركب يعني مكركب .. يعني الاسم واضح معناه

    وليس له اي صله بالكرم :248:[/font]

يجب ان تسجل الدخول لتتمكن من التعليق دخول