نسيت كلمة المرور ؟ - مستخدم جديد
|

جو جو حجي جو .. لا إله إلا الله محمد رسول الله .. تعالوا نسويلكم (جوجو) في المنتدى

بسم الله الرحمن الرحيم

محتطتنا التالتة مع ..

جو جو حجي جو .. لا إله إلا الله محمد رسول الله .. تعالوا نسويلكم (جوجو) في المنتدى ..

ما هو الجوجو؟؟؟

في يوم عيد الأضحى .. في وقت الليل يحتفل (حجاج أهل مكة ) في منى بحج ( الطفل الصغير أو العروصه أو إلي تحج حجة الفريضة )
و تلبس أجمل الملابس .. و يستقبلوا الجيران في مخيمهم .. و هو احتفال خاص بالحريم ..

تنبغوا تعرفوا أكتر عن الجوجو ؟؟

تعالوا نشوف القصة ..

لبيك اللهم لبيك .. لبيك لا شريك لك لبيك ..

إن الحمد و النعمة لك و الملك .. لا شريك لك لبيك ..

الحمد لله أن كتب لنا الحجة .. الله يتممها على خير يا رب ..

و يعيننا على اتمام فرائضها و أركانها بشكل الأحسن .. و يسهل علينا يااااااا رب ..

ماشاء الله تبارك الرحمن .. السنة راح بإذن الرحمن تحج معانا ( منه) .. خلينا نعبي ملابس حجتها ..

نخيطها و نفصلها و نزبطها و نزبركها من ( الكرتة البيضة و السروال و الصدريه و الشلحه و الشرشف و الطرحه البيضه)

وي وي وي نسيت أوصي سيدي أبو صدقة على النقل( لوز – حمص – فستك – زرمباك – عين الجمل – بندق – زبيب- كاجو- بندق)

و الحلاوة و القروش و كل مقاضي الجوجو ..

البنت كبرت و هادي حجتها الأولى .. و نبغى ننبسط و نسويلها جوجو ..

أمي ايش هو الجوجو ؟؟

هادا يا حبيبت قلبي إن شاء الله نسويه ليكي يوم العيد في منى مع الحبايب ..

نجيبك كدا يا ست البنات .. بعد ما تتشيكي و تتزبركي نحطك في نص الخيمة .. وحولينك الحلوين ..

و نحط تحتك شرشف أبيض .. و فوق راسك شرشف كمان .. و نكب فوق رأسك النقل و الحلاوة و القروش .. و ننشد و نقول ..

جو جو حجي جو .. لا إله إلا الله محمد رسول الله .. الله أكبر الله أكبر.. و شوية زغاريد ..

و كل مين من الحلوين يلم النقل و الحلاوة و القروش .. و نلوم شوية لجيراننا و حبايبنا و لأهلنا لما ننزل من منى و نتم حجتنا يا رب ..

يا الله يا أمي .. متشوقة مرررررة للحج .. و لأيامه الحلوة .. إلي كلها روحانية .. و تشرح الخاطر ..

هيا يا منة يا قلبي .. جهزي نفسك معد بقي وقت يوم تمنية ( يوم التروية ) بمشيئة الرحمن نحرك على منى ..

الله يعيننا و يسهل حجتنا و يتممها على أفضل ما يكون يا رب ..

مين عنده بزره أموره .. و لا عروصة .. و لا راح بمشيئة الرحمن يحج حجة الفريضة ..

عشان نسويلوا جوجو .. في المنتدى .. >>>>>>>>>>>>>>> زي مسلا :cool:

في انتظاركم ..

:)

و ربي يجزيكم الجنة ..

Share and Enjoy:
  • Print
  • Digg
  • StumbleUpon
  • del.icio.us
  • Facebook
  • Yahoo! Buzz
  • Twitter
  • Google Bookmarks

Tags: , , , , , , , , , , , , ,

بدون ردود على “جو جو حجي جو .. لا إله إلا الله محمد رسول الله .. تعالوا نسويلكم (جوجو) في المنتدى”

  1. ملاك_المدينة قال:

    ر بي يسعدك ياحبايب ويديكي العافية للروائع دي

    وفي إنتظار المزيد

    لاتحرمينا

    وكل عام وانتِ بخير قبل الزحمة وتقطيع اللحمة ..

  2. معتوقه قال:

    [color=#000066][size=3]بسم الله الرحمن الرحيم

    [color=#990066]حبايب مكة ….[/color]

    يعطيك ألف عافية فعلاً دخلت جو (( الجوجو )) وقعدت أتخيل ….

    لا عدمناك ِ …

    زكرتيني بحاجه يسووها للطفل (( اللي أوّل مره يروح المدينة )) يسموها نتيرة لها نفس الترتيبات.[/size][/color]

  3. أحزان قال:

    السلام عليكم ورحمة الله وبركاتة

    الله يسعدك ياحبايب

    بجد موووووووضوووع روووعه

    بعدين تعالي هنا انتي تبي جوجو ليه جبتي بزرة ولاعروصه

    خخخخخخخخخخخخخخ

    ربي يتقبل منك ياستي وادعيلنا لاتنسينا ويسهلك حجتك

    بانتظار البقيه

  4. بنت الفلق قال:

    [size=3]يا الله يا بنات

    استيتا حبايب قالت كيف يسوى الجوجو

    انشاء الله كل الى حج السنه

    حنعملوا جوجو

    انتظرونا[/size](صلى الله عليه وسلم)بسم الله الرحمن الرحيمبسم الله الرحمن الرحيم

  5. ولد الشاميه قال:

    … يا سلام على كده يا حبايب مكة …

    اشكرك يا ستو حبايب مكة على هادا الموضوع الجميل القيم والمعلومات الرايعه سلمت الايادي يا ستي

    وبصراحه استمتعت كتير بهادي الجوله في الرحلة فجزاكي الله كل خير على افادتنا بهادي الحركتات المكية الحلوه

    تمنياتي للجميع بقضاء اسعد واجمل الاوقات في رحاب قسم المكيات بمنتديات قبلة الدنيا

    [img]http://forum.makkawi.com/video/lin/001.gif[/img]
    اخوكي ولد الشاميه ( اهل الدهب بالوقيه )

  6. بنفسج قال:

    الله يسلم عمرك ياحبايب..
    والله يتقبل منا ومنكم صالح الاعمال..

    والله يجعلو ج مبرور وسعي مشكور …

    ويلا حطيني معاهم في الجاجوووو

    لاني حجيت فريضتي الله يتقبلها…

  7. حبايب مكة قال:

    [align=center]

    السلام عليكم ورحمة الله وبركاتة

    مرحباً .. ستوتة الأمورة وردة المدينة [fot1]ملوكة ..[/fot1]

    و كل عام و انتي في قلب الصحة و كمال العافية يارب .. معليش متأخرة و بعد الزحمة

    الأروع طلتك المدينية الحلوة و الطعمة ..:)

    ربي يسعدك و يجزيكي الجنة .. [/align]

  8. عاشق الهجلة قال:

    بسم الله الرحمن الرحيم
    السلام عليكم ورحمة الله وبركاتة
    مشكورة على الموضوع الجميل ويابخت مكة بيكي
    اخوكي عاشق الهجلة

  9. حبايب مكة قال:

    [align=center]

    السلام عليكم ورحمة الله وبركاتة

    يا هلا و غلا بستوتة الأمورة [fot1]معتوقة ..[/fot1]

    منورتنا يا ستو ..

    فعلاً سمعت بهادي التابتيك الطعمة ..

    وه يا ستو ما توقعتك كداتبخلي علينا.. بس ( ألف عافية ) ههههههههههههه :p

    لا تحرمينا من الطلات الحلوة ..:)

    ربي يسعدك و يجزيكي الجنة ..[/align]

  10. حبايب مكة قال:

    [align=center] وعليكم السلام ورحمة الله وبركاته
    **
    منورتنا .. يا ستوسة [fot1]..وردة الأفراح ..[/fot1]

    [quote=] بعدين تعالي هنا انتي تبي جوجو ليه جبتي بزرة ولاعروصه

    خخخخخخخخخخخخخخ[/quote]

    بصراحة بصراحة .. لا دي و لا دي ..

    حجة الفريضة يا عسل .. الحمد لله

    منا ومنك صالح الأعمال ..

    تواجدك أفرحنا يا سكر .. :)

    ربي يسعدك و يجزيكي الجنة ..[/align]

  11. حبايب مكة قال:

    [align=center]
    السلام عليكم ورحمة الله وبركاتة

    مرحباً .. ستوتة الامورة [fot1].. أحلى بنات الفلق ..[/fot1]

    شكراً كتيييييير يا ستو على اللفته الحلوة ..تعبناكي معانا يا قمرتنا ..

    و إزا ما في كلفة عليكي يا ستو .. كمان ستوتة .. بنفسج أضيفيها معانا في الجوجو ( عشان حجت حجتها الأولى )

    لا تحرمينا من الطلات الحلوة ..:)

    ربي يسعدك و يجزيكي الجنة ..[/align]

  12. حبايب مكة قال:

    [align=center]السلام عليكم ورحمة الله وبركاتة

    سيدي [fot1].. ولد الشامية ..[/fot1]

    شاكرة تواجدكم الكريم ..

    و ربي يجزيك الجنة ..[/align]

  13. حبايب مكة قال:

    [align=center]السلام عليكم ورحمة الله وبركاتة

    يا هلا و مرحبا .. بالأمورة [fot1].. أحلى أزهار البفسج .. [/fot1]

    اللهم آمين ..

    منا و منك صالح الأعمال ..

    هيا تعالي ياستو أقعدي جنبي عشان ستو بنت الفلق تعملنا جوجو ..:)

    لا تحرمينا من الطلات الحلوة ..:)

    ربي يسعدك و يجزيكي الجنة ..

    [/align]

  14. حبايب مكة قال:

    [align=center]السلام عليكم ورحمة الله وبركاتة
    ***
    أخي الكريم [fot1].. عاشق الهجلة ..[/fot1]

    أولا .. [img]http://forum.makkawi.com/video/welcom/010.gif[/img]

    بكم في بيتكم التاني .

    ((منتديات قبلة الدنيا ))
    **
    تانياً .. شكراً على تواجدكم الكريم ..

    و ربي يجزيكم الجنة .. [/align]

  15. بـــحـــرالحجاز قال:

    فكرتيني بايام الصبا

    انا كان نفسي اسوي لاخواتي الصغار جوجو بما انهم حجو فريضتهم السنة دي الحمد لله

    ههههه بس ايت جوجو مع الاختبارات الله يسهلهم هيه يارب

    ستيتة حبايب

    ترى انا مستنية نصيبي من نتيرة الجوجو هيا لا تنسي :)

  16. حبايب مكة قال:

    [align=center]السلام عليكم ورحمة الله وبركاتة

    ستوتة الأمورة [fot1]بحورة …[/fot1] نورت ..

    يامرحبا يا مرحبا .. زارتنا البركة والله ..

    ايش هادي الغيبة الطوييييييلة ..

    فين غاطسة يا ستو ..

    و حشتينا كتيررررررررررررر يا قمرتنا .. :)

    كدا تغيبي من غير دستور و لا حتى مع السلامة ..

    يا الله المهم جيتك و رجعتك لينا بالدنيا ..

    و الحمد لله على سلامتك يا قمرتنا ..:)

    من غاب غيبتك جاب الغنائم ..
    **

    [QUOTE=] انا كان نفسي اسوي لاخواتي الصغار جوجو بما انهم حجو فريضتهم السنة دي الحمد لله

    ههههه بس ايت جوجو مع الاختبارات الله يسهلهم هيه يارب[/QUOTE]

    اللهم آمين ..

    و رنا يتقبل منا و منهم و منكم صالح الأعمال ..

    و هو نقدر ننسى حبايبنا من النترات الحلوة ..:)

    **
    و مرة تانية حمد لله على سلامة الرجعه الحلوة ..

    الله لا يحرمنا من تواجدك العطر .. و قلمك المميز..

    و لا عد تغيبي عننا ..

    و القسم بحاجة إلى ابداعاتك ..

    و شكراً على أحلى طلة ..

    و ربي يجزيكي الجنة ..[/align]

  17. بـــحـــرالحجاز قال:

    الله يسلمك يارب ومايوحشك غالي ان شاء الله ياستو

    والعذر والسموحة منك ومن الجميع بسبب الظروف الطارئة اللي خلتني اغيب عنكم غصبا عني وان شاء الله تكون اخر الغيبات

    ولا يحرمنا من تواجدك والآخرين

    وشكرا مرة تانية لسؤالك يا قمر :)

  18. Abo mouhsen قال:

    كل عام وأنتم بخير …..حج مبرور وذنب مغفور.

    موضوع جميل يستحق القراءة بمناسبة موسم الحج

    بالفعل عادات جميلة ورائعة وراقية تدل علىتميز الحياة المكية و تعمق التراث المكي

  19. روابـــي الحجاز قال:

    [size=4][color=#AC5668]رجع الجوجو ورجعت أيامه ,,,

    والله عادات اهل مكة حلــوة بس يتهيألي ان الجوجو ماعاد في زي اول ,, يعني دحين الواحد يروح

    يحج لأول مرة ويرجع ولايسووله جوجو !

    شكراً لكاتبة الموضوع[/color][/size]

  20. مستر مروان قال:

    الله يذكرك بالخير
    يا حبايب مكة

    هادي العادات اللي أعتقد إنو الكتير مننا نسيها
    في خضم التطور السريع والمتلاحق
    بس تظل لها طابعها الخاص والجميل

  21. بنت الحاره قال:

    بسم الله الرحمن الرحيم
    شكرا ياستيته حبايب عشان عرفتينا على الجوجو انا اول مرره اسمع بيه
    الله يعطيكي العافيه يارب وينعاد عليكي وانت سالمه

  22. بنت مكاويه قال:

    [COLOR="Red"]يسلمووووووووو حبايب مكه..

    الله يعطيكي الف عافيه…[/COLOR]

  23. حبايب مكة قال:

    [align=center]السلام عليكم ورحمة الله وبركاتة

    كل عام و أنتم إلى الرحمن أقرب ..

    و جزاكم الرحمن الجنة .. على تنوير أقلامكم الكريمة للموضوعنا المتواضع ..

    ***

    سيدي [fot1].. أبو محسن ..[/fot1] ربي يسعدك ..

    شكراً على التنبيشة الحلوة .. و ربي يجازك الجنة ..

    **
    الغالية [fot1].. روابـــي الحجاز[/fot1]

    الفاضل [fot1].. مستر مروان ..[/fot1]

    الغالية ..[fot1] بنت الحارة ..[/fot1]

    الغالية [fot1].. بنت مكاوية ..[/fot1]

    شكراً على تواجد أقلامكم المبدعة الكريمة ..

    و جزاكم الرحمن الجنة …[/align]

  24. هاشم اولياء السيد قال:

    الله الله الله
    ماشاء الله تبارك الله الله يعطيك الف عافية لاحرمنا مواضيعك القيمه تحياتي والسلام،،

يجب ان تسجل الدخول لتتمكن من التعليق دخول