لجمال شفتيكـ .. أسرار أستخدام احمر الشفاهـ
27 أغسطس 2010 – 8:20 ص | أضف مشاركة

إلى كل من تعاني رقة شفيتها،
وإلى كل من تحتار في اختيار نوعية ولون أحمر الشفاه الذي يناسبها،
نسوق هذه الأسرار لتساعدك في الحصول على فم جميل ومنح الشفتين جاذبية أكثر؟!.
باشري دوما في رسم محيط الشفاه بواسطة …

أكمل قراءة الموضوع »
أسماء الأولاد و البنات

أسماء ذكور أسماء إناث أسماء أطفال أسماء الصحابة أسماء الصحابيات أسماء الله الحسنى ومعانيها

أزياء و ملبوسات

أزياء الوزيرة أروع الأزياء الخليجية والعربية والعالمية أزياء سهرات أزياء نوم أزياء أعراس

أزياء الأطفال

كل مايخص أزياء الأطفال وهدايا هم و ألعابهم وملبوساتهم أطفال الوزيرة مثال رائع للطفل الراقي

التغذية و الحياة الأسرية

كل ما يخص التغذية و علاج السمنة و النحافة و تعزيز الرشاقة و الحمل والولادة و صحة و تربية و تغذية الاطفال ورشاقة و لياقة الوزيرة .

إسلاميات الوزيرة

كل مايخص كتب الأئمة الستة وفروع الدعوة الإسلامية الصحيحة ومانص عليه كتاب الله سبحانه وتعالى وسنة نبيه محمدٍ صلى الله عليه وسلم

الرئيسية » البشكة

يا ويلو يا سواد ليلو

كاتب الموضوع : admin في : 12 أكتوبر 2010 – 4:53 صالمشاركات 8 | Print This Post Print This Post

السلاااااااااااااام عليكم …

شوفوا يا حبايب انا حاقولكم قصة امكن اكون قلتها قبل كدا بس مني فاكر الزاكرة معد سارت تجمع … بعدين انتو ايش عندكم اقروها حتى لو عاشر مرة كانو وراكم حاجة … و امكن ما اكون نزلتها قبل كدا هيا اقعدوا عاقلين و فتحو عيونكم عشان تقروا القصة :

في زمن من الازمان في اوروبا حبوا يسووا بحث على مشاكل الازواج وزي كدا فجابو مدري كم حرمة و قعدوا يسووا عليهن الدراسات هادي و كل وحدة تقول المشاكل اللي سارت بينها وبين زوجها اللي زوجها جبلها البلا و اللي جابتلو الجنان و اللي و اللي …. المهم لقيوا وحدة قالت انها عايشة مع زوجها 50 سنة و ما سارت بينهم و لا مشكلة دحين كدا الباحثين طلعت فوق راسهم لمبة و عيونهم طلعت على برة زي افلام الكرتون مهم مصدقين … المهم قالوا مالنا اللا اننا نسال زوجها امكن العجوزة خرفت و مهي دارية ايش قاعدة تقول … فراحو بربطة المعلم وسالوا الزوج و بالفعل الزوج قال نفس الكلام … قالولوا ازا لازم تقولنا القصة … و يبدا الرجل في سرد قصته :

ويعوود الزمن الى الوراااااااء خمسييييييييييييييييييييييييين سنة ( مع موسيقى كدا شاعرية شويتين )
شاب و شابة في مقتبل العمر البنت عمرها 20 سنة و فلقة قمر و الرجال كدا وسيييم و عمرو 25 سنة كانت بينهم قصة حب و لا قصة قيس و ليلى و روميو وجولييت ( كدا دحين موسيقى رومنسية و شوية ورود و قلوب طايرة و الشاب و الشابة يجرووا في الحدايق و يلعبووا في الورود ) المهم اتفقوا على الزواج و بالفع اتزوجوا ..

و سال العريس العروس : فين تبي تقضي شهر العسل يا حياتي ( بيتكلموا مكاوي مع انهم من اوروبا .. طبعا لازم من التحبيشات حقت القصص ههههههههههههههههههه )
العروسة : يا عمري نفس اروح الجبال …
العريس : جبال ايش يا حرمة
العرووسة :: بدلع قعدت تحايل فيه الين غصبن عن اللي خلفووه رضي ( ان كيدهن عظيم )

المهم راحووا للجبال و اخدولهم حصانين عشان يطلعووا الجبل :

وحصان الحرمة يتكعبل و تطيح من فوقوا ( لا تخافوا ما ماتت )
الحرمة قالت : هادي اول مرة
و الرجال مستغرب
ركبت الحصان مرة تانية و برضو بعد فترة من المشي اتكعبل مرة تانية
قالت الحرمة و هادي التانية
في المرة التالتة ( طلعت حوالين الحرمة زي الشرار و موسيقى رعب و الطبلة تدق بقوة ) تقوم الحرمة تاخد البندقية اللي معاها و طخخخخخخخخخخخخ .( و يسم صدى الرصاص في ارجاء الوادي مع انهم في جبل بس مشوا حالكم )
ومات الحصان …..

طالع الرجال في الحرمة وطلعتلو قرون وعصب ( مسوي فيها عصبي الاخ بس على مين )
طالعت في الحرمة و قالتلو : هيا انتبي يا ابو الشباب ( ايش الحرمة المسترجلة هادي ) ترى هادي اول مرة ..
( وموسيقى زي موسيقة جيمس بوند )

و من يومها و الرجال ما يزعل حرمتو و عاشو في تبات و نبات ……

ها عجبتكم القصة …ههههههههههههههههههههههههههههههههههه

المشاركات 8 في » يا ويلو يا سواد ليلو

     
  • أبو نار قال:

    الله يرج شيطانك ياعبوس خلي القصة عندك ولا توريها أحد أحسلك تحذف الموضوع أخاف دحين لو قلنا شي على البنات كل وحدة تشيل معاها مسدس ولا بندقية ويهددونا احنا ناقصين ياعبسي دحين

    تحياتي
    أبو نار

  • لوليتا قال:

    [align=center][size=7][font=Times New Roman]

    [img] http://www.lahaa.net/images/image_bank/1543/ANT.JPG/img

    هادي بالله قصة

    [img] http://www.lahaa.net/images/image_bank/1543/ANT.JPG/img

    لا عبسي ماقد قلتها

    جديدة

    وحلوووووووووووة

    ممكن اصرق القصة هادي وازيد عليها شوية حركات

    وانشرها

    فكرة حلوة صح

    ولا انت

    [img] http://www.al-fateh.net/images20/fa20q62.jpg/img

    اذا وافقت اني اصرق القصة قلي

    ولا شكلي بصرق المؤلف بكبره

    خخخخخخخخخخخخخخ

    مشكور ابو العبابيس على حكاوي القهاوي الحلوة

    ولا ننحرم من جديدك

    لولو[/font][/size][/align]

  • زيزينيا قال:

    [color=#999966][align=center][size=4][font=Times New Roman]ياربي ايش حكاية الحصان اللي يتكعبل

    والله انا من اول القصة وانا بالي مشغول بدا الحصان

    والله انا حاسة انو في سر في كعبلة الحصان

    :confused::confused::confused:

    < <<<<<<<< بدأ الزكاء يشتغل

    :D

    عبسي قلت ان العرووسة بدلعها قعدت تحايل في عريسها الين غصبن عن اللي خلفووه رضي ( ان كيدهن عظيم )

    مين هادول اللي كيدهن عظيم

    :confused:

    بس عندك حق غصبا عن اللي خلفوووه يرضى :p

    بالله الحصان مات خصااااارة والله بغيت اشتريه

    ينفعني :rolleyes: عشان اخرب على العلماء دراساتهم واعيش بدون مشاكل

    :p

    قصة مالها داعي كالعادة

    [img] http://www.lahaa.net/images/image_bank/1543/ANT.JPG/img

    وانتي يالولو

    غبية تبغي تصرقي القصة من عدالتها

    برافو امشي نصرق عبسي ونبيعه في الحراج وناخد الفلوس

    ونروح سوق الحجاز ونتمشى وننبسط ونفلها

    ونرجع المنتدى وندخل قسم البشكة ومانلاقي عبسي

    :o :o

    ونندم ونبكي وننقهر

    <<<<<<<<<<<< سوت قصة تانية

    خخخخخخخخخخخخخخخخ

    يالله باااااااااااااي

    وشووووووووووكرا

    زييييييزززززززززوووووو[/font][/size][/align][/color]

  • المركّب مكركب قال:

    هههههههههههههههههههههههه الله يقطع شرك

    حللللللللللللللللللللوه بس لاعد تعيدها ..

  • عبسي قال:

    ابو نار ما عليك اللي عندنا خوافين ما يقدرو يشيلو سكينة حتى امهاتهم يحايلو فيهم عشان يخشوا المطبخ ماهم راضين :D

    لولو تبي تاخدي القصة خديها براحتك بس انا املاك خاصة بعدين امي تجي تكسر راصك انا مالي …..

    زيزو تبى تسوي رباطية علي و تتخلص مني … طيب يا زيزو هانم بالله لو جيتي البشكة و ما لقيتي احد يناكفك كيف تعيشي من غير ما تلاقي عبسي اللي يناكفك …. بعدين اشلك واشل الحصان على العموم حتى لو كان عايش هادي خمسييييييييييييييين سنة يعني عبال ما يوصلك يكون مخرف :D و ما ينفعك ….

    مكركبة ليش ما عاد ايدها …. اللا بدي اعيدها وو ريني ايش تبي تسوي ( يعني يعني قوي ) :p:cool:

  • الحسن الاول قال:

    ليش القروي دائما اسنانه بيضاء ؟؟
    فيه قروي كل مايجي واحد يسأله يطلع فوق الجبل .. ليش
    فيه ارنب افريقي ياكل موز ليش ؟؟
    محشش زار مريض سأل عنه في قسم الاستقبال قالوله:ايش معه قال:(ددسن غمارتين)
    واحد كان يلبس رقم 40 في حذاءه ثم أصبح يلبس بعد 5 دقائق 36 ليه؟ قصّ أظافره

    قروي قالو ولدو: يبه رخصتي انتهت……قال:اكيد من كثر دورانك في الشوارع

    في واحد محشش دخل محل تسجيلات أغاني وقال للبايع: محمد عبده موجود ، البايع قال: ايه موجود ، المحشش قال : خله يطلع سيارته لأنه مسكر على سيارتي

    فيه اثنين يسوون دعاية بسبي واحد يشرب والثاني يقول تكــــــفـى جـــــغـــــمـــــه………..

    فيه واحد مثقف لقا ولد عمه عندهم توه جاي من السفر فسأله قاله ايش جيت عليه على باص والا ترين قال ولدعمه لا وايش لي والزحمه جيت قطار

    مرة خليجي وانجليزي وياباني ..راحو شلالات نياغرا علشان يجربون الصدا .. فقال الخليجي:هلا وجاه الصدا ..هلا ..هلا..هلا.. وقال الانجليزي هلو..وجاه الصدا هلو..هلو..هلو.. وقال الياباني تشين شان شنونج ..رد الصدا ..ها؟؟؟؟؟ .

    يقولك محشش ضاعت محفظته فراح عند الشرطه-الشرطه قالوا له انت روح البيت وراح نطلعها ولو من تحت الارض فهو ورايح البيت شاف عمال البلديه يحفروا قالهم ايوا شدوا الهمه المحفظه لونها احمر ههههه

    واحد محشش كان يمشي بالشارع اشتبهوا فيه الدوريه وهو بيغى يبعد الشبه عنه وقفهم وقالهم الومينا للبيع

    في فار طموحه في المستقبل يكون ماوس كمبيوتر

    نذل فتح بقاله كتب على قارورة الفلاش :مرطب لليدين وللوجه

  • آل كوشك قال:

    [align=center][size=6][color=#FF1493]لووووووووووووول…

    والله مررره حلوه…

    تسلمي…

    يا اختي…

    سامنوالصالحية….

    والله يوفقك…[/color][/size][/align]

  • محمد صلاح قال:

    ههههههههههههههههههههههههههههههه

شارك بتعليقاتكـ الأن !

يجب عليك تسجيل الدخول للمشاركة بتعليق.

منتديات الوزير التعليمية | منتديات الوزير الثقافية | منتديات الوزير الأدبية | منتديات الوزيرة النسائية | sitemap1 sitemap2 sitemap3 sitemap4 sitemap5 sitemap6 sitemap7 sitemap8 sitemap9 sitemap10 sitemap11 sitemap12 sitemap13 sitemap14 sitemap15 sitemap16 sitemapspecial